Pakistan: 'Zaidi ya watoto milioni tatu wako hatarini' UNICEF.

Kulingana na UNICEF, zaidi ya watoto milioni tatu wanahitaji msaada wa kibinadamu na wako katika hatari kubwa ya magonjwa yanayotokana na maji, kuzama na utapiamlo kutokana na mafuriko makubwa zaidi katika historia ya hivi majuzi ya Pakistan.

UNICEF inafanya kazi na Serikali na washirika wasio wa kiserikali kujibu mahitaji ya dharura ya watoto na familia katika maeneo yaliyoathirika.

Maafa ya Mafuriko

Mafuriko ya Pakistan yamewaweka watoto wengi kwenye hali mbaya mno, kwani zaidi ya watu 1,100 wakiwemo zaidi ya watoto 350 wamepoteza maisha, na wengine 1,600 wamejeruhiwa.

Zaidi ya nyumba 949,000 zimeoshwa na maji, na asilimia 30 ya mifumo ya maji inakadiriwa kuharibiwa, hivyo kuongeza hatari ya milipuko ya magonjwa wakati watu wataenda haja kubwa na kunywa maji yasiyo salama.

Pakistan's devastating floods:

– 1350 people killed
– 50M people displaced
– 900K livestock deaths
– 1M houses washed away
– 40+ reservoirs breached
– 220+ bridges collapsed
– 90% cropped damaged
– $10B loss to economy
– 1/3 country underwater

Source – PDMA / NDMA pic.twitter.com/TG6jnL8zZQ

— South Asia Index (@SouthAsiaIndex) August 29, 2022

 

Kulingana na UNICEF, kuna uharibifu mkubwa wa miundombinu ya elimu kwani shule 17,566 zimeharibiwa na hivyo kuhatarisha zaidi elimu ya watoto.

Kesi za kuhara na magonjwa ya maji, maambukizi ya kupumua, na magonjwa ya ngozi tayari yameripotiwa. Asilimia 40 ya watoto tayari walikuwa wamekabiliwa na udumavu, unaosababishwa na utapiamlo wa muda mrefu, kabla ya mafuriko kuanza.

Migogoro inayohusiana na hali ya hewa haitaathiri kila mtu kwa usawa, kwani watoto ndio watakaoteseka zaidi kuliko watu wazima, huku wale walio katika jamii maskini zaidi wakibeba mzigo mkubwa zaidi.

Wito 

UNICEF inatoa vifaa vya matibabu vya kuokoa maisha, dawa muhimu, chanjo na vifaa vya kujifungulia salama kwa watu ambao wamepoteza makazi yao na sasa wanaishi nje.

Katika nyakati hizi ngumu, msaada wako unaweza kuokoa maisha. Mchango wako unaweza kusaidia UNICEF kufikia watoto na familia zaidi kwa vifaa muhimu, vya dharura na vya kuokoa maisha.