Rongai: Mama awaua watoto wake wawili, ajijeruhi mwenyewe na mume wake

Wakaazi wa Rongai, hivi leo wameamka na habari ya kushtua kufuatia tukio lililotokea katika eneo hilo asubuhi. Walakini, kama ilivyoripotiwa na vyanzo vingi, inaonekana kuwa mwanamke aliwaua watoto wake wawili na kumwacha mumewe katika hali mbaya baada ya kuendelea na kusitasita juu ya shida za nyumbani.

Hata hivyo imesemekana kuwa mwanamke huyo alionekana akijaribu kujiua kwa kujidunga kisu, hii ni baada ya kumdunga bwanake kisu mara kadhaa. Aidha, katika taarifa hiyo aliyoitoa mkuu huyo wa eneo hilo alisema kwamba, tokeo hilo si jambo la kawaida kufanyika na askari watajitahidi kujua nini kilikua nyuma ya tukio hilo.

Majirani waliwaokoa wanandoa hao na kuwakimbiza katika Kituo cha Afya cha Sinai kilicho karibu. Mume wa mwanamke huyo alikuwa mfanya biashara huku mwanamke huyo akiwa mama wa nyumbani.

Mlinzi huyo, Paul Isaboke, alisema kwamba, familia hiyo inaishi ghorofa ya nne na alisikia zogo hilo asubuhi na mapema kabla ya mume huyo kusikika akiomba msaada kwa kilio huku akiugulia maumivu.
Majirani walisema kuwa, mume na mke walizowea kuwa na mzozo wa kinyumbani. “Kama kawaida tulisikia kelele kutoka kwa nyumba hiyo, lakini hatukujua mwisho wake utakuwa mbaya, tulipofanikiwa kufunguwa mlango tuliwapata watoto wawili wakiwa wamelala kwenye dimbwi la damu,” alisema jirani mmoja.

Akithibitisha kisa hicho, kamanda wa polisi wa Kajiado Kaskazini Hussein Gura alisema kwamba wawili hao wamekimbizwa katika hospitali ya kitaifa ya Kenyatta wakiwa katika hali mahututi.
“Uchunguzi wa awali unaonyesha kuwa wanandoa hao walihusika katika mzozo wa kinyumbani uliosababisha mauaji hayo ya ajabu na wamehamishiwa katika Hospitali ya Kitaifa ya Kenyatta,” kamanda huyo alisema.